70 நடப்பது பற்றிய கவனமின்றி

தாளம் : ஆதி ராகம் : ஜோன்புரி

நடப்பது பற்றிய கவனமின்றி நாம்
நடந்ததை நினைத்து மயங்குகின்றோம்; அன்றி
நடக்குமென்று எண்ணி கலங்குகின்றோம் வாழ்வில்
... நட
கிடப்பதும் நடப்பதும் கடவுள் அவன் அருளால்
மடத்தனம் தன்னாலென மனிதன் நினைத்தால்
... நட
உண்ணும் போது நாம் உண்ணுவதில்லை
உறங்கும் போதும் நாம் உறங்குவதில்லை
கண்ணும் கருத்தும் செய்யும் கருமத்தில் இல்லை
கவனத்தில் இது இருந்தால் கனிவது இன்பத்தின் எல்லை
... நட

இந்தப் பாடலை உங்கள் கணினிக்கு தரவிறக்க (டவுன் லோடு செய்ய)இங்கே சொடுக்குங்கள்